Ana səhifə Məqalələr Boy qısalığını düşündürən hansı hormonal xəstəliklər vardır?

Boy qısalığını düşündürən hansı hormonal xəstəliklər vardır?

Qalxanabənzər vəzi hormonun əskikliyi həm yavaş böyümə, həm də zəkanın az inkişafı ilə nəticələnir. Bu problem doğuşdan ola biləcəyi kimi, uşaqlıq və ya yetkin çağında hər hansı bir zamanda inkişaf edə bilər. Tireoid hormonu əskikliyi, qan testi ilə müəyyən olunub və əvəzedici dərmanlar ilə asan müalicə edilə bilən bir xəstəlikdir.
Böyümə hormonu, böyüməyə birbaşa təsir edən hormondur. Böyümə hormonu əskikliyi izolə, eyni zamanda, hipofizdə digər hormonların  da çatışmamazlığı ilə birlikdə ola bilər. Bu vəziyyət anadangəlmə ola biləcəyi kimi, beynin (hipofiz və ya hipotalamusun) doğum əsnasında və ya sonrasında zərər görməsi və ya şişlər (ən çox uşaqlarda kraniofaringeoma və s.) səbəbi ilə də ola bilər. Böyümə hormonu əskikliyi olan bir uşaq qısa boyludur, amma bədən nisbətləri normaldır. Bu uşaqların üzü, ümumiyyətlə, yaşlarına görə kiçik görünür.

Paylaş: